Majosvespero? Nun, vidinte vian frazon [#1074461] mi suspektas, ke vi celas "mojosvespero". Sed ankaŭ tio estas dubinda vorto. En Esperanto oni povas kombini du substantivojn, sed kutime ne adjektivon + substantivo. Oni ne parolas pri "longpantalono", "feliĉviro", "blankpapero".

Ĉar ne eblas konstrui kunmetitan vorton laŭ la skemo adjektivo-substantivo, oni argumentas, ke tiuokaze la adjektivo estas "aŭtomate" substantivigita, tio estas komprenenda en la rolo de substantivo. Laŭ tiu klarigo "mojosvespero" estas "vespero de mojoso" aŭ "vespero karakterizata de mojoso".

Sed ĉiuokaze nek "mojosvespero" nek "mojosa vespero" ŝajnas trafi traduke, ĉar laŭ mia scio "вечеринка" ne estas io specife junuleca. (Almenaŭ ne konforme kun la klarigo, ke mojosa signifas "laŭ moderna juna stilo" aŭ "moderna, juna, stila". Mi jam aŭdis la opinion, ke mojosa signifu simple nur "plaĉega".)

La Rusa-Esperanta Vortaro de Bokarev tradukas "вечеринка" per "amikvespero".
Serĉinte nur ĉi tie en la Tatoebo mi trovis tutan gamon da pliaj tradukoj. Kiuj tradukoj preferindas, pri tio mi ne volas juĝi. Ŝajnas al mi, ke neniu el ili estas malĝusta.

festeto, festeno, festo, festa vespera, vespera festo,
distra vespero, vesperfesteno, vesperkunveno

Cetere almenaŭ la lastajn du uzis vi, Maksimo.

--------------------------------------
Вечери́нка — встреча людей (часто друзей и знакомых), в основном для развлечения и отдыха. Вечеринка обычно проводится вечером, откуда и происходит название понятия. Вечеринка очень схожа с праздником или с фестивалем, но этот термин используется для обозначения непринужденных, небольших встреч близких знакомых, а не для общих государственных или религиозных торжеств.
[Fonto: Wikipedia]

Dankegon pro la profunda esploro de la demando pri tiom populara voprto, al kiu neniu povas trovi ekvivalenton en Esperanto :)

Mi klarigu la vortelekton:
En la rusa realo "party" kaj "вечеринка" estas la vortoj por junuloj.
La "solidaj" (pli agxaj) homoj preferas elekti por festenoj pli "gravaj" vortoj. Do, mi uzis la vorton, kiu al neniu placxas :) por substreki tion.

Mi proponas aldoni KROMAN tradukon de la frazo kun iuj al cxiuj viaj proponitajxoj kiuj, certe, estas tre uzindaj. Dankon.
Ankorauzfoje dankon pro la esploro. Mi uzos gxin por estonto.

Dankon ankaŭ al vi pro via klarigo.