-> ĝi estas senutila.

Kara PaulP, vi simile prikomentis du el miaj similaj tradukoj, kaj mi respondos simile simile.

Mi tradukis la anglan frazon, "It's futile". Kiel ĉiu frazo en Tatoeba, ni ne havas ĉirkaŭtekston por kompreni la signifon de tiu frazo. Tiu angla frazo postulas diversajn tradukojn en diversaj situacioj. "Estas senutile" estas bona traduko por iuj situacioj. "Tio estas senutila" bone funkcias en aliaj situacioj, kaj mi provizis tiun alternativon en la sama tago. Simile dubsencaj estas la tradukoj en pluraj aliaj lingvoj, kiuj interligiĝas en ĉi tiu paĝo.

Via propono, "Ĝi estas senutila", estas plia bona traduko, por plia situacio. Vi aldonu ĝin. Sed mi hezitas ŝanĝi mian bonan proponon al alia bona propono, kaj forigi utilan kaj informan alternativon, kiu kovras iujn oftajn situaciojn. Kion vi dirus pri tio?

Sama rimarko. Vi ne tradukis la vorteton "it" kaj kiel kreas sensubjektan frazon kun "esti".

Precize tion mi faris, ĉar unu el la ĝustaj tradukoj de tiu angla frazo ne havas simplan substantivon en Esperanto. Estas senutile nei tian uzon en nia kara lingvo. Ĝi aperas ofte kaj diversforme en La Tekstaro de Esperanto, el verkoj de niaj plej elstaraj verkistoj.

Por pli el la diskuto, ne estas senutile kontroli la paralelan amikan debaton sub frazo 2146221 "Estas klare."

En "Estas senutile nei tian uzon en nia kara lingvo" la subjekto de la frazo estas "Nei tian uzon". "Nei tian uzon estas senutile". Kompreneble tiu frazo estas tute en ordo.

Same pri "ne estas senutile kontroli la paralelan amikan debaton sub frazo". Tiuj ne estas sensubjektaj frazoj.

Laŭ mi, "Estas senutile" ankaŭ ne estas sensubjekta frazo. La subjekto de aperas en la frazo, sed ĝi ekzistas. Eble en apuda frazo, eble nur en la menso de la parolanto. Kaj ĉar PaulP rifuzas enmeti siajn proprajn proponojn, mi enmetis ilin. Mi volonte cedos ilin al PaulP, kiam li deziros rehavi sian inventaĵon.