Kiujn planojn, ĉu ne? Oni ne informpetas, ĉu ili estas grandaj aŭ facilaj, sed oni volas scii, kiujn planojn oni havas.

Nu, en ĉi tiu kazo Esperanto povas esprimi nuancon kiun aliaj lingvoj malofte uzas.
kiaj planoj- planoj rilate al laboro, distraĵo, korpa sano ktp .

Mi vidas, ke "kiujn planojn" jam ekzistas.

Prave. Sed la angla, el kiu vi tradukis, ne havas tiun nuancon, ĉu? Se ĝi estus "What kind of plans" mi tuj konsentus.

Nu la vera problemo estas ke denaskaj parolantoj de la angla ne parolas nuancite. Plejofte oni devas diveni la duonon. Neniu dirus "what kind Of" se "what" estas sufiĉe proksime. Ni estas tre pigraj parolantoj. Kiam mi tradukas mi rigardas ne nur la vortojn sed demandas min, kion la aŭtoro estus dirinta se li parolus Esperanton?
Mi povas retraduki la esperantan frazon al la angla.

OK. Vi konvinkis min! Sed nun venas plia demando: ĉu ni ne malligu kelkajn aliajn frazojn? Mi malligis la nederlandan, ĉar ĝi ne povas signifi "kiaj". Eble Aleksandro kaj Nimfeo povas konsulti pri la germana, resp. franca.

Dezirante kompreni la supran demandon ĝuste,
mi scivole petas vin prezenti unu aŭ du el la eblaj respondoj.
Anticipan dankon!

Postskribaĵo:
>>> Kiajn planojn vi havas por la semajnfino?
Mi konfesas, ke mi (ankoraŭ?) ne komprenas, kion signifas "kiajn" en tiu frazo.
Mi ja komprenas, ke oni demandas: "de kiu speco estas la planoj".
Tamen ĝis nun mi ne akiris certecon pri praktika senco en ĉiutaga situacio.
Ĉu la demandanto volas ekscii, ĉu la demandato por semajnfina kunveno preparis strategian planon por la preparo de la Fina Venko ;-), konstruplanon, instruplanon, laborplanon aŭ financan planon ... ? Ĉu mi komprenu la demandon tiel?

Dejo skribis, kiuj (kiaj) respondoj laŭ li taŭgus post "Kiaj": kiaj planoj? planoj rilate al laboro, distraĵo, korpa sano ktp

"Por la semajnfino mi havas planojn rilate al mia korpa sano."
Mi plurfoje translangigis tiun frazon kaj poste murmuretis:
"Hmm. Mi ĝis nun ne ĝuis la plezuron renkonti ulon, kiu elbuŝigas tiajn frazojn,
sed verŝajne ja ekzistas homoj, parolantaj je tiel alta retorika nivelo."

Eble ni volas esti tro logika. Jen kelkaj citaĵoj kun "kiajn planojn".

1. Kiajn planojn vi havas por via unua tempo en la oficejo? Libera Folio
2 En la fino de la libro montriĝos ke Gbenga ne estis nur malsukcesonta bubo, sed ke ankaŭ Gbenga havis planojn. Mem legu por ekscii kiajn planojn" Librorecenzo -La Instruisto
3" Ramzes sentis, ke la pastroj tute ne suspektas, pri kio li parolis kun Hiram kaj kiajn planojn li ŝpinis en sia kapo." La Faraono
4"Kiajn esperojn kaj kiajn planojn ni havas por Esperanto en la nova jaro? ' Kluba Bulteno - Norsk Esperanto-Forbund
5."— Mi ne deziras pli konsterni vin per plua laŭdego, do mi eble demandu, kiajn planojn vi faris por protekti min kontraŭ la manoj de la leĝo?" Rustimuna Ŝtalrato

Mi malligis la francan.