La traboj

Kiuj traboj?
Por mi ili estas ne difinitaj. Tial mi ne emas uzi difinan artikolon en tiaj kazoj.
Kompreneble, ĉar mankas kunteksto, ne eblas certe scii, ĉu oni eble jam parolis pri traboj en antaŭa frazo. Eblus, ke en la antaŭa frazo iu diris "Ĉu vi scias, al kio taŭgas tiuj lignaj traboj?"
La franca lingvo estas iom pli malŝpara en la uzado de la difina artikolo, ĉu ne?
Ekzemple en la franca oni diras: "Le moineau est un oiseau". En multaj aliaj lingvoj oni ne uzas difinan artikolon en tia frazo. Ekzemple la slavaj lingvoj eĉ tute ne havas ĝin.

Ankaŭ mi ne uzas la artikolon en tiaj frazoj. Du slavaj lingvoj havas difinitan artikolon, nome la bulgara kaj macedona. Sed tie ĝi estas finaĵo.

>Por mi ili estas ne difinitaj.
>La franca lingvo estas iom pli malŝpara en la uzado de la difina artikolo, ĉu ne?

Sed laŭ mi, ĉi tie, ili estas difinitaj.

"les poutres soutiennent les toits" tradukeblus en "Traboj subtenas tegmentajn pezojn."

sed ĉi tie, temas pri "le toit", kiu estas difinita tegmento...

*« du » en la franca, signifas « de le » => difinita

@ Tlustulimu:
Dankon, tion mi ne sciis. Mi ja iam lernis la rusan kaj iam diskutis kun polo, kiu trovis ridinda la ekziston de difina artikolo en Esperanto (sed ŝajne ne en la angla...)

@ sacredceltic:
Jes, "la pezo de la tegmento", sed mi uzis adjektivon. Fakte, farante tion, mi akceptis, ke temas pri difinita tegmento (kvankam mi ne scias, pri kiu difinita tegmento temas... do eble mi erare aldonis artikolon al ĝia pezo.
Cetere la tegmento povas esti difinita, dum ties traboj povus resti nedifinitaj aŭ nevideblaj.
Same mi diras, ke la tegmento de mia domo (do difinita) konsistas el tegoloj, ne el LA tegoloj. Ĝin portas traboj, sed mi ne difinas, pri kiuj, nek kiom da traboj estas.
La afero ne estas tiel simpla.
Verŝajne ambaŭ solvoj (kun aŭ sen artikolo) eblas, sed havas iom malsaman signifon. Pri tiu signifo vi, franco, povas juĝi, ne mi, por kiu la franca estas nur ... "bo-lingvo" :)

Se tiu frazo estas respondo al demando "kiel la tegmento estas subtenata la tegmenta pezo", mi ne kredas, ke la respondo povus esti "LA traboj subtenas...". La demandinto devus jam scii pri tiuj difinitaj traboj.
Sed eble tiukaze la franca frazo estintus alie esprimita.

>Se tiu frazo estas respondo al demando "kiel la tegmento estas subtenata la tegmenta pezo", mi ne kredas, ke la respondo povus esti "LA traboj subtenas...".

Jes, el tiu vidpunkto, vi pravas. Sed ankaŭ povus temi pri kelkaj traboj en difinita ĉambro : traboj povas esti vera kaj nevera...do mi eble povus diri, ke en tiu ĉambro, la traboj subtenas la tegmentan pezon sed en alia ĉambro, ne...

Jes. Ĉar la kunteksto mankas, ni ne kapablas scii, pri kio precize temas.
Mi jam ofte rimarkis, ke en franca frazo estas difina artikolo, sed ne en la angla. Kompreneble ankaŭ tie mankas la kunteksto.

Ekzistas diferenco inter la angla kaj la franca (kaj ankaŭ inter esperanto kaj franca) pri la ĝeneralaj konsideroj:

Man is mortal => L'homme est mortel (considération d'ordre générale)
Men are mortal => Les hommes sont mortels
Sed
L'homme est malade => The man is sick (cet homme particulier dont nous parlons)
Kaj
A man is mortal => Un homme est mortel (ankau ĝenerala, sed kun nedifina artikolo...Jes, strangas...)

En tiu kazo, la francajn eblecojn estas la sekvaj:

« Des poutres soutiennent le poids du toit » => Temas pri difina tegmento, sed ne difinaj traboj. Oni ne scias kiom da traboj, kiaj traboj, kaj kiuj traboj subtenas kaj kiuj ne subtenas ĉi tiun tegmenton...

« Les poutres soutiennent le poids du toit »
1) ĝenerala konsidero pri traboj en ĉiuj konstruaĵoj....
2) temas pri difinaj traboj pri kiuj mi parolas aŭ kiujn mi montras (= Ces poutres)