Ĉu tio vere estas la ĝusta finna ortografio, se oni devas kunigi fremdan plurpartan nomon kun finna vorto? Al mi malplaĉas la spacosigno inter "Gate -silta". En la germana lingvo oni skribas "Golden-Gate-Brücke", kun ĉiuj vortoj kunigitaj per streketo. Same: "Star-Trek-Film" aŭ "Albert-Einstein-Gymnasium", kvankam "Star Trek" kaj "Albern Einstein" ne skribiĝas kun streketoj.
Mi ne konas la finnajn regulojn por tiuj aferoj. Ĉu vi eble povas klarigi al mi, ĉu tiel vere estas la ĝusta maniero?
Jes, la frazo estas skribita tute ĝuste laŭ la finna ortografio. Ĉi tia postspaca streketo okazas, kiam oni ligas al posta vorto plurvortan esprimon, t.e. grupon de vortoj (iam enestas ankaŭ ciferoj) en kiu estas minimume unu spacosigno.
En la diversaj tradukoj ĉi tie oni vidas, kiel malsimile diversaj lingvoj traktas ĉi tian kombinaĵon:
The Golden Gate Bridge (angla)
Die Golden-Gate-Brücke (germana)
Golden Gate-bron (sveda, eblas ankaŭ "Golden Gatebron")
Golden Gate -silta (finna)
La regulo estas tiom malofte bezonata en la finna, ke multaj homoj ne konas ĝin aŭ miskomprenas ĝin.
Ankaŭ aliokaze povas aperi postspaca streketo en la finna (mi rapide elpensas ekzemplon en Esperanto: "lingvoinstruistoj kaj -trejnistoj", eble malbona ekzemplo, sed vi certe komprenas).
Tia vortkomenca streketo kaŭzas iam praktikajn problemojn, ĉar iuj tekstoprilaboraj programoj rifuzas konsideri ekziston de tia eblo (ekz. Microsoft Word estas malbona) kaj povas devige dividi liniojn ĉi tiel:
lingvoinstruistoj kaj -
trejnistoj
Oni povus certe longe diskuti, kio estas plej logika aŭ plej bela. Ekz. mi trovas la svedan manieron nelogika, la germanan ja logika (sed ĝi fakte aldonas streketon kiu ne apartenas al la nomo) kaj la finnan iom konfuza. Kion diri? Nu, precipe esperantistoj konsciu, ke lingvoj funkcias malsimile.
La plej oficialan version de ĝuste ĉi tiu regulo oni trovas ĉi tie, en la finna:
http://www.kotus.fi/index.phtml...etkteensopimus
Eblas elpensi strangegajn okazojn, pri kiuj fakte ne eblas diri, kiel skribi. Ekzemple firmaoj nuntempe fabrikas ortografie strangajn varnomojn, kun majuskloj vortomeze, kun devigaj krisignoj en la vortoj, kun malobeo pri reguloj de kunmetitaj vortoj ktp., kaj iam oni bezonas kunmetitan vortoj kun tie stranga elemento. La lingvoflegaj organoj klopodas iel vivi kun tiaj relaĵoj. – Tamen, la nuna frazo estas tute simpla kaj ekzistas nenia dubo, kiel oni skribu ĝin en la finna.
Dankon pro la detala klarigo. Mi nun komprenas.
Ofte okazas en la germana, ke homoj skribas ion en la sama maniero kiel en la finna, sed ĉi tie ĝi ne ĝustas. Mi simple pensis, ke estus eble la sama tie.
Nun mi scias pli bone. :)
Etîketî
Heme etîketan bivîneLîsteyî
Sentence text
License: CC BY 2.0 FRDekewtişî
Na cumle verî sey açarnayîşê cumleya #18488
hetê ondora ame îlawekerdene, August 18, 2011
hetê ondo ra ame girêdayene, August 18, 2011
hetê Igider ra ame girêdayene, October 7, 2018
hetê Thanuir ra ame girêdayene, February 13, 2020
hetê mollydot ra ame girêdayene, October 2, 2021