Lernejo komencos → Lernejo komenciĝos

komenciĝos

Ĉu tio estas permesebla?

Jes, sed sen krampoj, mi petas.

Ie mi legis, ke oni rajtas skribi:
La lernejo komencas.. ĉar oni mem aldonas la objekton (en tiu kazo la novan jaron. Ĉu tio estas oficiala aŭ nur sentita?

Sen krampoj, bonvolu:
La lernejo komencos la novan lernjaron je la 10-a de aprilo.

Mi ripetas mian demandon:
Ie mi legis, ke oni rajtas skribi: La lernejo komencas. (sen iu objekto), ĉar oni mem aldonas la objekton, kiu estas logika. Ĉu tio estas oficiala aŭ ne?

Ne, fakte, "La lernejo komencas" estas erara - se temas pri la komenctempo de la lernejo mem.

Ĝi tamen estas ĝusta, se temas pri io, kion la lernejo komencas. Ekzemple:
La lernejo komencas la jenajn kursojn:

Do, devas aperi la objekto post "komencas". Alikaze, la gramatiko postulas ke ĝi estu "komenciĝas".

> Ĉu tio estas oficiala aŭ ne?

Oni kompreneble povas uzi transitivan verbon sen akuzativo (ekz.: mi tro manĝis). Do por decidi ĉu uzi «komenci» aŭ «komenciĝi», oni ne devas konsideri, ĉu estas akuzativo aŭ ne, sed pensi pri la _senso_ mem de la verbo: «komenci» kaj «komenciĝi» havas malsaman senson. Uzi tion, kio taŭgas. Oni komencas (ion). Sed io komenciĝas.

Parenteze, estas domaĝe, ke en Esperanto la vorto «lernejo» havas multajn sensojn. En la bretona estas du vortoj "skol" (school, la institucio), kaj "ti-skol" (laŭvorte: house-school por la domo), kie oni lernas/instruas.

Laŭ la sufikso -ej, "lernejo" devus logike signifi la domo. Sed fakte ĝi havas pli ofte alian pli abstraktan sencon, verŝajne pro bedaŭra influo de aliaj lingvoj.