El poemo de Kolomano Kaloĉaj
VI.
Se vi koleras,
Mi ĝin toleras,
Revante pri l' feliĉo
De l' repaciĝo.
Sur dolĉa pluŝo
De l' paŭta buŝo
Mi serĉas, por surprizo,
Lokon de kiso.
Nervoza svingo
De l' brak' en ringo
Fermiĝos por haveno
De ĉirkaŭpreno.
La akvo varma
De l'guto larma
Per gusto min regalos:
La lipojn salos.
Ĉar ja, sen dubo,
Post ŝtorm' kaj nubo
Plu velos nia barko
Sub ĉielarko
De via rido,
Kiu, por gvido,
Albrilos tra l' nebuloj
De la okuloj.
Kaj kiu pravas?
Ĉu tio gravas?
La am' — jen sur la tero
La sola vero!
Tags
View all tagsLists
Sentence text
License: CC BY 2.0 FRLogs
This sentence is original and was not derived from translation.
added by al_ex_an_der, October 31, 2014
linked by al_ex_an_der, October 31, 2014