(eo) Ĉu ne estus pli bone forviŝi la vorton "brusten" ? Oni ja ne povas enspiri en ion alian ol sian bruston, aŭ, pli ĝuste, en siajn pulmojn. Samon mi diras pri "dans la poitrine" en la frazo franca, kaj pri "mellre" en unu en la hungaraj.

Oni povas enspiri nur ĝis la buŝo aŭ la gorĝo.
Sed eble vi preferas frazon kiel "Li ĉiam tute enspiras la fumon."

(eo) Mi ĝis nun fideme kredis, ke "enspiri" signifas "enlasi aeron [au fumon, k. s.] en la pulmojn". Mi konsentas, ke fumon oni povas enbuŝigi aŭ engorĝigi sen enpulmigado. Sed ĉu tio estus spirado ?

fs: Mi dirus ke jes. Enspiri ĉiam estas enlasi ion en la pulmojn. Sed oni povas enspiri akvon (dronante), aŭ enspiri aeron el la buŝo ĝis la pulmoj, anstataŭante la aeron en la buŝo per fumo. Se temas pri la sama movo, mi uzus la saman vorton.

Mi ŝatus nur demandi, kiel estiĝas - laŭ via opinio - la pulma/bronka kancero?
Bedaŭrinde, ĉiu fumanto enspiras la kancerogenajn materialojn -akompanantajn la cigaredfumon - ĝis la plej malvastaj bronketoj. La miraklo estas, ke ne ĉiu fumanto malsaniĝas pro tiuj ĉi formoj de la kancero... Verŝajne temas ankaŭ pri la individua dispozicio...

Ĉu la signifo ne estas:
Li ĉiam inhalas la fumon.

@danepo: "inhali" estas medicina termino.

Mi proponus: "Li ĉiam pulme enspiras la fumon."

Inhali estas medicina fakesprimo. (Ekzistas - ekzemple - t.n. astmo-cigaredoj, sed oni povas doni por la paciento multajn medikamentojn helpe de inhalado.)
Mia frazo temas pri la profunda enspirado de la cigaredfumo.
Mi estus volinta lukti ankaŭ per tiu ĉi frazeto kontraŭ la danĝeroj de la fumado... Estas interese, ke ĝi vekis tiom da alparolojn. :-)) Cetere mi ne intencas ŝanĝi la frazon, sed kiu ajn rajtas skribi aliajn, samsignifajn frazojn.

Ĉu ankoraŭ temas pri la frazo kiel esprimmaniero?
Mi preferas la frazon proponitan de Espi "Li ĉiam pulme enspiras la fumon."
Ĉu vi enigos tiun, Espi?

@martinod: Sed kiun frazon vi volus traduki per "pulme"?
Ĉie ja nur ekzistas la "brusto". ;)

Temas pri kiel oni kutime diras tion.
Mi komprenas nur la francan frazon, kaj tiu parolas pri enspiri en la bruston. Kio troviĝas en la brusto, kaj povas enlasi fumon dum enspiro?