*instrukcoj* > instrukcioj
Cetere mia vortaro rekomendas "kontrolturo", kaj mi dubas ĉu "flugodirekta turo" konvenas, ĉar direktas la pilotoj resp. ilia komputilo, dum la kontrole observantaj homoj en la turo normalkaze menciinde influas nur dum starto kaj alteriĝo. Tiam ĉefe per intersanĝo de informoj kaj nur esceptokaze per instrukcioj al la pilotoj.

Hm! Ankaŭ mia vortaro proponas "kontrolturo".
Mi memoras, ke mi (eble malprave) pridubis la taŭgecon de "kontrol" en tiu turo. La Esperanta vorto ne havas la saman signifon kiel la falsamika angla vorto "to control", ĉu ne?
Bonvolu legi la signifon de "direkti" ĉe http://www.reta-vortaro.de/cgi-...irekt&kadroj=1

Informe: En la serĉilo de mia retumilo (FireFox) ankaŭ troviĝas ReVo. Do sufiĉas enmeti serĉterminon kaj jen aperas la dezirata paĝo de tiu vortaro.
Mi tamen ne scias, kiel ĝi venis en mian serĉilon. Eĉ Vikipedio (eo) estas tie, kaj nun mi eĉ vidas inviton: Add "Tatoeba project".

Nun mi eĉ dubas, ĉu turo povas instrukcii...
Tion ja faras instrukciantoj, kiuj sidas en turo.
Ĉu ni faru pli ĝustan frazon ol la originala?
Kion vi proponas nun?

La turo certe ne estos problemo se vi uzos "el". Ĉu ne?
...intrukcioj el la kontrolturo

Tiu lasta problemeto estas solvita. Restas la anglalingva signifo de "kontrol" en la turo...

Kara GrizaLeono. Ĉu restas la anglalingva signifo de "control" en la esperantlingva kontrolturo? Hm. PIV diras
Kontroli
= esplori, ĉu io estas kiel ĝi devas esti respektive konforma al supozo.
Oni ne uzu "kontroli" en la senco de regi, gvidi.

Ne tute facila demando! Mia laika opinio estas, ke tiuj oficistoj en la turo ĉefe ne gvidas (ĉar tion faras la plilotoj), sed
superrigardas, komunikas, kunordigas "por ke ĉio estu kiel ĝi devas esti" - eblas diri. Ĉu por tio la vorto kontroli estas ideala aŭ tamen fatala? Eble nek ideala nek fatala? Estus bone demandi pri tio fakulon. Almenaŭ rilate al la "kontrolturo" ne havis dubojn la vortar-aŭtoroj kaj ankaŭ Claude Piron uzis "kontrolturo".

Interesa tajperaro:
La PLILOTOJ - ili foje estas pli ol PLI ol piLOTOJ. :)

Via lasta argumento trafas! Se Claude trovis, ke kontrolturo estas taŭga vorto, mi ne plu dubas.
Dankon.