Ĉu "Praktikum" kaj "stage" = "kurseto" ?

Verŝajne ne. Mi fuŝis kaj korektas nun.
Bedaŭrinde mi ne trovas la kialon de mia fuŝo.
La komputila vortaro, kiun mi uzas, ankaŭ proponis "staĝo", sed tiu vorto estas neoficiala, do mi ne uzis ĝin. Kie mi legis tiun "kurseton", mi ne retrovas.
Dankon pro la sciigo.

Ho vi estas tre moderna kaj uzas komputilan vortaron. Ĉu vi povas ĝin rekomendi al mi? Mi ĉefe uzas malgrandan kolekton de paperaj vortar(eg)oj, ankaŭ ili ne ĉiam estas perfektaj helpiloj, sed mi venis al la konvinko ke ili estis vere bonaj investoj. Longan tempon mi ne tre ofte enrigardis ilin (kun escepto de la vortaro EO-DE de Krause - cetere la sola kun (ankoraŭ) mankonvena grandeco), sed danke al Tatoebo mi nun multe uzas ilin.

Speciala rekomendo (ĉar vere speciala en sia speco kaj tamen preskaŭ nekonata) estas ZAMENHOFA EKZEMPLARO, kompilita de Rihej Nomura (dum luraj jardekoj de sia vivo) kaj eldonita de Nagoya Esperanto-Centro en 1989.
Ĝi estas vortaro de la zamenhofa lingvouzo. Ĝi enhavas ĉiujn vortojn, kiujn Z. uzis en frazoj (do ne tiujn, kiujn Z. metis nur en vortarojn, sed mem ne uzis), kaj ankaŭ prezentas ilin en per la de Zamenhof skribitaj/tradukitaj frazoj. Do ĝi estas iel papera antaŭulo de Tatoebo! :)

La granda avantaĝo de tiu komputila vortaro estas, ke la tradukoj aperas, kiam oni kopias vorton (kondiĉe, ke oni malaperigis la antaŭan per minimumigo de la fenestreto).
Elŝutu la deziratajn lingvojn ĉe http://www.la-vortaro.net
Precipe la nederlanda enhavas multajn vortojn.
Eblas aldoni propran liston. Vi ja legu, kiel vi agu.
Sukceson!
Cetere mi daŭre uzas propran programon, kiu enhavas la kapvortojn de PIV kaj la etikedojn (el kiuj por mi la plej gravaj estas la oficialeco kaj transitiveco). Mi aldonis nederlandan tradukon de la kapvortoj kaj nun aldonas fortradukojn de neoficialaj vortoj.