> spektas televidon

kial "televido", ekzistas ankaŭ vorto televidilo, ĉu ĝi ne bonas?

Jes, televidilo estas bona vorto, sed ĝi signifas la APARATON per kiu oni televidas.

cxu vi ne spektas la aparaton por vidi la imagojn? certe vi povas uzi gxin nur kiam gxi estas sxaltata, sed vi nepre rigardas la aparaton, vi ne povas vidi televidon se vi ne rigardas televidilon.

Via rezonado estas prava en teorio, Ema_rega, sed praktike neniu diras tion. Ĉu vi vere iam dum konversacio aŭdis la frazon "ni spektas televidilon"? Almenaŭ mi en miaj 50 jaroj da aktiva uzado de la lingvo ne aŭdis tion. Oni spektas televidon, aŭ oni televidas. Cetere, ĉu vi dirus "mi ĉiuvespere aŭskultas la radio-aparaton"?

Estas strange, sed ruslingve oni spektas ekzakte televidilon: http://tatoeba.org/rus/sentences/show/3671470 . Krome, oni ial legas librojn, anstataŭ legi novelojn aŭ romanojn :)
Cetere, mi kredas, ke esperantistoj preferas spekti televidon.

Verdire mi kredas, ke mi jam auxdis la frazon "mi spektas televidilon", sed lauxsxajne mi estas konfuzigita de mia devenlingvo: la itala, kiu havas ununuran vorton: "televisione", kiu signifas kaj "televido" kaj "televidilo"!