komputorojn → komputilojn

Ne kara dominiko! Sigfrido ĝuste uzis komputorojn por la anglaj vortoj "PC" aŭ "computer". Esperanto estas pli ekzakta ol la naciaj lingvoj kaj se oni havas la eblecon, esti konciza, do oni estu tia!
Rimarku bone: ĉiu komputoro estas komputilo, sed ne ĉiu komputilo estas komputoro!!
Laŭ la hind-eŭropa orogino de la lingvo Esperanto oni per "-oro" oni generas ion. Per motoro oni generas el forto movon. Per elektrogeneratoro oni generas el forto, elektron. Per komputoro oni generas sumon aŭ ian rezulton post la entajpado de diversaj aliaj komponentoj. Redaktoro generas el sia laboro legeblan. Laboro generas laborrezulton ktp.

@Esperantostern:

Komputor/o ne troveblas en "Komputeko.net".
Ĝi ne troveblas en la komputada leksikono.
Ĝi ne troveblas en la komputada baza terminaro.
Ĝi ne troveblas en la vortaro de Lernu.

La "Komputila Vortlisto" havas informon, sed diras, ke "komputilo estas la plej ĝisdata".

ReVo indikas nur: komputor/o (arkaismo) = komputilo

PIV-2005 nur diras: "Komputoro = Komputilo"

En eo.wikipedia.org, la artikolo "http://eo.wikipedia.org/wiki/Komputoro" alidirektas al la artikolo pri komputilo. Estas informoj pri komputilo/komputoro en la artikolo.

Mi ne trovis informon, kiu diras, ke komputoro estas PC, kaj
komputilo estas io alia.

Kvankam "kompotor/o" ne estas erara, mi opinias, ke "komput/il/o"
pli bonas. Komputor/o estas arkaika kaj ĉu vere indas havi
neologismon "komputor/o" por io simila al "komput/il/o"?