Siberio --> Serbio/Serbujo

-> trie plej granda

La unua plej granda, la dua plej granda kaj la tria plej granda...
Kial "trie"??? Laŭ mi ĉi tie temas pri simpla vicmontra numeralo kaj neniel pri adjekto.

Ĉu ne mankas subjekto? Mi emas proponi, ke oni aldonu ne nur pronomon, sed la nomon de tiu urbo, sed tio prezentas iomete tiklan temon, ĉar ĝis la anonco de la sendependeco de Kosovo tiu urbo estis Priŝtino.

Jes, oni aldonu "Ĝi" komence de la frazo.

Al Muelisto: efektive estas multe da konfuzo pri tio, sed mi bazas min sur la jena regulo el la Monato-konvencioj:

Uzu "Kaunas estas la due plej granda urbo de Litovio" kaj ne "... dua plej granda ...".

Monato ne estas la akademio, sed la konvencioj estas tre zorge faritaj kaj kontrolitaj de pluraj akademianoj kaj tre bonaj lingvistoj.

Mi mem neniam skribus tiel: "trie plej granda". La "trie" simple ne estas gramatike klarigebla...

:-((

Mi ne komprenas. Adverbo povas rilati al adjektivo. Kiu estas la esenca diferenco inter "terure granda" kaj "trie plej granda"? La partikulo "plej" laŭ mi ne influas la gramatikan karakteron de la vortoj en la frazo.

Karaj Geamikoj!

Kiam Esperanto estos tiel same komplika lingvo, kiel - ekzemple - la angla, neniu volos ĝin lerni. Mia iama ĉefo, Kolomano Kalocsay per sia terure malfacila Gramatiko de Esperanto fortimigis milojn da hungaroj de Esperanto...

"Tria" respondas al la demando "kioma?", dume "trie" respondas al la demando "kiel kioma?", -kaj tiu ĉi lasta demando ne havas sencon.

Per tio mi finis ĉi tiun diskuton. Multsalute
Ludoviko Molnár