Cetere mi kredas, ke ni ĉiuj estas denaskaj atletoj, sed kreskis en tro malatleta ĉirkaŭaĵo.

Tamen, mi opinias, ke simioj estas pli atletaj ol mi. :-)

Ĉu ne ĉio dependas de la difino, kiun ni elektas.

Imagu jenan argumentaron:
1. Atleto estas speco de sportisto.
2. Sporto estas io, kion oni faras en sia libera tempo.
3. Simioj eĉ ne scias, kio estas libera tempo.
:)

Mi scivolas, ĉu vi prezentos alia argumentaron, kiu pruvas la malon. ☺

Pri via unua argumento mi konsentas. Tion oni povas ankaŭ legi en http://vortaro.net/#atleto sub 1. (Bedaŭrinde ekzistas dua difino, kiu malpravigas la aserton, ke ni ĉiuj estas denaskaj atletoj. Preskaŭ duono de la naskitoj ne estas viroj — la dua difino en tiu PIVa paĝo mencias nur "viro", kaj alia procento ne estas fortuloj.)

Via dua punkto ŝajnas al mi ne tre ĝusta (fakte, mi scias preskaŭ nenion pri sporto, mi do ne kuraĝas firme aserti ion pri tio). Mi kelkfoje aŭdas paroli pri sportaj profesiuloj. Ĉu tio, kion ili faras dum sia laboro, ne estas sporto?

Pri via tria argumento: por scii, kiom simioj scias, oni estu simio, ĉu ne?
Mi povas nur aserti, ke mi ne scias, kiom simioj scias pri libertempo. :-)

Vian atentigon pri profesiaj sportistoj mi atendis.
Tio igas min memori pri statistiko, kiun mi vidis okaze de la olimpiaj ludoj. Ĉu tie ne partoprenu nur amatoroj? Mi memoras, ke ekzistis / as? tiu regulo. Sed multaj landoj pagas amason da mono, kiam sportisto gajnas medalon. Kvankam la sumoj varias laŭ lando kaj medalo, ili ĉiam sufiĉas por vivi kaj trejni sin dum unu aŭ pluraj jaroj. Krome multaj sportistoj estas armeanoj, kiuj ricevas garantitan soldatan aŭ oficiran salajron, sed estas liberigita de ĉia laboro krom la trejnado. Do ili ja estas profesiuloj, ĉu ne? Mi konfesas, ke mi malproksimiĝis de la origina demando.

Legu: "garantiitan"

Please go to #2074229.
This sentence has been deleted because it was a duplicate.