Tio estis...

Mi ne certas, laŭ la angla, kie ne estas demonstrativo.

Tio estis...
Mankas "Tio" ĉi tie (en la signifo de "it").

Kara Espi, vi pravas, sed la angla havas pronomon. Tamen ni revenu al la "hejma" teritorio Esperanto. Mi pardonpetas, se mi ripetas konataĵojn: kontraste al malmultaj verboj (ekzemple "pluvi") "esti" estas verbo, kiu bezonas subjekton.
Kaj bona novaĵo estas, ke "Estis korŝira rakonto." estas gramatike kompleta kaj neniel kritikebla frazo. Ĝia subjekto estas "korŝira rakonto". Sendepende de tio, ĉu ni diras "Korŝira rakonto estis." aŭ "Estis korŝira rakonto.", la gramatikaj rilatoj kaj ankaŭ la signifo de la frazoj estas la samaj. Kaj do la sola malbona novaĵo estas, ke en tiu formo la frazo asertas la ekziston de tia rakonto, nur la ekziston. Tiuj aliaj frazoj, kiujn mi povas vidi diras ion alian. Ili informas KIO estas priskribata kiel korŝira historio. Tial en la frazon devas eniri io alia, kio funkciu kiel subjekto. Tiam "estas" ligas la priskribon "korŝira rakonto" al la subjekto. Ni tute ne scias en kiu formo aperas en la antaŭa teksto tio, kion ni priskribas. Tial kiel subjekto taŭgas ĝuste "tio". "Tio" povas reprezenti ion ajn, eĉ tutan frazon, kion "ĝi" ne povas. Bertil Wennergren klarigas tion tiel:

"Ĝi" normale reprezentas aĵon, beston kaj alian klare difinitan aferon.
"Tio" estas uzata por abstrakta rilato, por reprezenti tutan frazon, aŭ por nedifinita afero
(= tiu afero):
• — Ŝi forvojaĝis. — Jes, mi tion scias. = Jes, mi scias, ke ŝi forvojaĝis.

http://cindymckee.com/librejo/W...o-de-Lernu.pdf

La ligo kondukas al pdf-o de "Detala Gramatiko de E.", koncizigita variaĵo de PMEG. Lernu.net komisiis tiun libron, kaj disponigas ĝian elektronikan eldonon nun eĉ senpage (!) Homoj kaptu ĝin! :)

Korekto: Tiuj aliaj frazoj, kiujn mi povas KOMPRENI ( Mi estus feliĉulo, se mi komprenus ĉion, kion mi VIDAS ).

Mi estas kompreninta. La mankantan problemvorton, la subjekton, mi ĵus aldonis.
Multan dankon pri la detalaj komentarioj.
Tiel oni nur povas lerni. ;-P

Amike

Dankon pro la konciza gramatiko sur la PDF-dosiero!
Mi ne sciis pri tiu ĉi trezoro, kaj mi intencas uzi ĝin por mi, kaj por mia instruado de Esperanto. Koran dankon!