ĉu eble pli bone:

Li iris per ŝparvojo tra la arbaron.

tra la arbaro.

tra la arbaron

ŝajne ankaŭ taŭgas:

laŭ reta-vortaro:
Ŝajnas tamen, ke la regulo por tra estas iom alia: ja akuzativo uzata kun prepozicio P ordinare signifas „al loko situanta P...“, do pli-malpli „al P...“, dum por prepozicio tra ĝi signifas „al iu loko (ajna), P...“, alidire la trairata kaj la celata lokoj ne kongruas.


http://www.reta-vortaro.de/revo/art/tra.html#tra.0

Amiko, ne...
Malgraŭ via fonto, ni uzu tute simplan logikon:
Oni uzas -n de direkto, se la vorto kun -n estas la direkto, la CELO de la movo.
Sed klaras en la frazo, ke oni iris TRA arbaro, al tute ALIA loko, do la arbaro ne estas la direkto aŭ la celo. (tiu alia loko povus havi -n de direkto, sed certe ne la arbaro)

Tial, plue, la vorto 'tra' NENIAM kaj neniel povas havi '-n' de direkto, ĉar ĝi, pro sia naturo, ne povas sugesti la celon de la movo.

[ En alia kunteksto, ja eblus diri: "Li trairis la arbaron". Tio ja estus ĝusta frazo.
Tiukaze, la -n plu ne estus de direkto, sed akuzativo pro ŝanĝo de netransitiva verbo 'iri' al transitiva: 'tra-iri + rekta objekto+n ]

La logiko povus esti:
Ni iris per ŝparvojo en la arbaron, tra la arbaro kaj el la arbaro (al la celo).

Via frazo: Ni iris per ŝparvojo en la arbaron, tra la arbaro kaj el la arbaro.
ja ĝustas, ĉar temas pri kunmetaĵo de tri ĝustaj frazoj, tri malsamaj kaj sinsekvaj agoj al, tra, kaj el.
Sed la meza ago de veturado "tra la arbaron" ne ekzistas, kaj tial la tuta frazo: "Li mallongigis la vojon tra la arbaron" ne povas esti.

La vortaroj diras, ke eblas uzi aŭ neuzi "n" post "tra" se la signifo de
"tra" egalas al la angla/internacia vorto "via".

Jen verŝajne ĉiuj frazoj en Tatoebo kiu uzas n-vorton post "tra",
verŝajne ne ĉiuj estas ĝustaj laŭ la vortaraj reguloj:

#440895 La fremdulo iras tra la urbon.
#645246 Miaj manoj tremis tro forte por tredi fadenon tra kudrilon.
#646243 Mia hundo ŝate kuras tra la neĝon.
#775437 La knabo enrigardis tra la fenestron.
#903669 Li mallongigis la vojon tra la arbaron.
#1076364 Tiu, kiu la kolonon, kiu ĉe la ponto, kiu trans la riveron, kiu tra la vilaĝon, en kiu la viro, kiu la kolĉenon, kiu magikajn fortojn, kiuj miraklojn realigas, donas, havas, loĝas, fluas, gvidas, staras, tretas, mortas.
#1204500 Por vi mi eĉ saltus tra ringegon.
#1263903 La infanoj petolas tra la tutan domon.
#2304024 La ŝtelisto penetris tra la fenestron.
#3479208 Tomo kaj Manjo silente iris tra la parkon.
#3607072 La leono saltis tra la fajroringon.

Vere estas strange. Verŝajne nova fundamento...

Interalie, en la germana lingvo "durch" necesigas akuzativon. Eble la eraro en Esperanto okazis pro germanlingva influo, kiu scias...

Jen pri "tra" en PMEG:

http://bertilow.com/pmeg/gramat...tra.html#i-riz

Bone! Tiuj ekkzemploj jam estas pli konvinkaj. Eĉ Zamenhofaj.
Dankon (kvankam sonas al mi ankoraŭ strange.)